big bro!

kuya,

ilang araw na lang  fulfilled na ang pagiging daddy mo.. alam ko sobrang excited ka. wala na yatang mas pinakamasayang tao sa mundo kundi ang tatay ng isang batang bagong panganak. (parang well-experienced naman ako,.huh! weh!) haha. eniweys! congrats kuya! at siguru timing na din para makuha ko yung chance na to para pasalamatan ka sa lahat lahat ng mga ginawa mo para akin, diba nga kwento ng ate natin habang ipinapanganak ako (april 3, 1980) at dalawang taon gulang ka palang non nakikipag laro ka sa aso ng kapitbahay ayun nakagat ka daw? hikhik. kaya nadala ka pa sa center at tinahi ang noo mo, natakot yung aso naglayas at nawala na lang basta.. ^^ 

bilis din ng panahon. naalala ko dati ikaw pa ang kasama ko palagi sa pag ba bike kahit madalas iniiwan moko at hindi kita maabutan! adik ka kaya sa bike halos yon palagi pinapabili mo sa tatay! syempre kuya kita palagi gusto mo ang nasusunod  pag me package tayu galing saudi yung magagandang kotse (matchbox) ang napupunta sayo..

may nagbigay pa nga dati sau isang complete set ng toy-train ang ganda nun! parang hindi naman sya laruan kasi  pang display and dating at di kuryente pa! galing din yata un sa saudi diba? bigay ng ninong mong matagal ng nawala at bumawi ng todo kaya  binigyan ka ng ganun pero malaunan ang ginawa natin sa train  kung ano ano na, ginawa ko pa ngang bus ang isa dun eh! tapos ikaw naman pinagexperiment mo yata ang kuryente ayun naging grounded ang buong railway eh pano pa natin malalaro yun tuwing hahawak tayo may ground! amp! para ka kasing mekaniko or siraniko lahat kaya ng laruan natin binabaklas mo kahit nga hindi na sayo binubuksan mo pa para lang makita mo kung ano yung laman sa loob at kung paano umaandar bat nga pala dika nag automechanic? hehe. may naalala nga pala ako itatanong ko lang eh bat mo ba sinira ung batman na laruan ko! kahit plastic lang maganda at gusto ko yun! nag-agawan lang tayo tapos ayun tinadtad mo na ng kutsilyo at itinapon! taragis hindi ko makalimutan yun wala naman ako magawa syempre kuya kita at takot pako sayu nun!

ikaw din nagturo saken kung pano gumawa at gamitin ang tirador! suki tayo sa palengke. paiba iba ang rubber na ginagamit natin may decolores pa nga.  tapos hahanap lang tayu ng sanga ng puno ng bayabas na dapat perfect "Y".  hindi ko rin makalimutan sobrang pinagalitan ka minsan sa bahay at napalo ng husto kasi madami kang gasgas sa binti nahulog ka yata sa bike tapos hindi mo sinabi sa nanay pero nalaman padin ayun napagalitan at napalo kapa tuloy.. naawa ako sayo nun.. 

naging kaagaw din kita sa family computer natin pero si ate weng ang matindi itinatago ang adoptor! san ka pa! pano tayo maglalaro kung wala yun. nung highschool ka  ayaw mo mag CAT kala mo naman pedeng walang ganun buti nalang at napilit ka ng mga kaibigan mo na kahit papano pumasok. naalala ko padin bago ka mag college sabi nanay sayo "o wag ka garu garu don baka mabagsak mo computer mahal yun" haha hinding hindi ko makalimutan yun at natatawa ako pag naalala ko! eh napakalikot mo kase kaya ayun kahit mag ka college kana pinapaalalahanan kapa. sabagay mahal nga yun, hindi pa nga natin kilala nun ang computer basta ang alam natin "yung computer kayang sagutin lahat ng tanong" ganun kagilas sa isip natin ang tragis na computer!

pero habang college ka 3rd year high school naman ako nun at nun natin naranasan na mabuhay ng tayo tayo lang at walang magulang sa bahay dahil pareho na silang nasa abroad. nahirapan ako.. alam mo ba na sayo lang ako kumakapit nun.. kahit wala magulang natin may natatawag padin akong kuya. at isang malaking bahagi yun ng pagbuo ng sarili ko. alam ko na kahit ano mangyari nandun ka para sa akin.  kaya nga computer course nadin kinuha ko dahil ikaw ang idol ko. naalala mo ba isinama mo pa ako malapit sa school nyo para lang mag rent ng computer at makagamit ako ng colored monitor dahil sa school namin black and white. tuwang tuwa ako sa colored nun. kahit ba windows 3.11 palang ang gamit natin. nung binigyan tayo nanay pambili ng computer ikaw nga yung pumunta sa manila at ang ganda windows95 na! tapos pag na ba virus ko dahil kung ano anong disket ang inilalagay ikaw din ang taga linis wala pa naman ako alam nun syempre ikaw magaling sa computer.

ilan lang yang mga binanggit ko sa sobrang daming  pangyayari na pinagdaanan natin mula pa noong pagkabata. basta ang alam ko ikaw lang ang nag iisa kong kuya at kahit hindi mo man sinasabi, ramdam ko ang pagpapahalaga at pag iingat mo sakin mula noon hanggang ngayon. kaya kuya! salamat sa lahat..  palagi akong proud sa 'yo!  

taragis! ganda pa ng pangalan mo.. 
Bryan Talampas

Update: its a boy!
Name: Emmanuel Angelo I. Talampas
Born  : April 28, 2009 ; 11:37pm
 

 

bons

**

I've learned...
that family and friends are what make
us who we are today, and without them
we would never be complete.